Klike la a pou gade videyo Joahmaad la
Joahmaad, ki te gen dizan, te yon elèv mwayèn anvan pandemi an. Lè kou an pèsòn yo te rekòmanse, li te pran reta parapò ak kamarad klas li yo, sitou nan lekti. Lè lè a te rive pou li awotvwa nan klas la, elèv ki dabitid gen bon jan konpòtman an te konn vin deranje moun. Pwofesè li a te santi li t ap fè sa pou l pa t ka li tou paske li te pè yon moun ta pase l nan rizib.
Nan mwa Desanm 2023, Joahmaad te demenaje nan Apatman Daffodil avèk manman l ak gran frè l. Toulede tigason yo te enskri nan Pwogram Apre Lekòl Sant Aprantisaj kominote a.
“Mwen te kòmanse renmen istwa yo te ban nou yo,” Joahmaad te di. “Nou te aprann sou listwa ak lòt bagay ankò. M panse se sa ki te ede m.”
Joahmaad te di ke sa te ede tou lefèt ke zanmi l yo nan Sant Aprantisaj la pa t jije l pou lekti li, epi sa te ede l pwononse mo difisil yo. Kounye a, lè kamarad klas Joahmaad yo li youn pou lòt nan lekòl la oswa nan Sant Aprantisaj la, li toujou vle ale an premye!
Manman Joahmaad, Ryan, di kounye a li li tout tan lakay li paske sa nouri kiryozite li. Nòt li yo te amelyore rive nan A ak B, e li menm te kòmanse genyen prim akademik. Konpòtman Joahmaad nan lekòl la te amelyore tou. Lè yo te mande l kisa li panse ki te lakòz chanjman sa a, Ryan di se grasa èd li resevwa ak devwa li nan Sant Aprantisaj la, atansyon endividyèl anplwaye yo ba li ak fason anplwaye yo fè li agreyab pou aprann. Li di se sèl bagay Joahmaad ap pale de li lè l rive lakay li.
“Li di…men sa nou te fè. Men sa li te anseye nou. N ap fè jaden,” Ryan te di. “Li te fè m fè jaden. Nou te mete grenn nan lakou dèyè a. Demenaje al Daffodil te yon eksperyans vrèman bèl. Sant Aprantisaj la te ajoute plis toujou.”
Klike sou videyo ki anba a pou w aprann plis bagay sou istwa siksè Joahmaad la.
Gen anpil elèv tankou Joahmaad ki ap fè pi byen lekòl depi yo enskri nan Sant Aprantisaj nou yo. Elèv nou yo fè yon mwayèn 3.67 nan lekòl!
Ou ka ede nou prepare elèv yo pou yo gen plis siksè nan ane lekòl k ap vini an lè w bay donasyon pou kanpay "Back to School" Fondasyon Kominote yo. Don ou yo ap ede nou achte founiti, teknoloji ak manje pou 16 Sant Aprantisaj nou yo ki sou plas. Ou ka menm mete yon ekip pou ranmase lajan sou pye pou ou menm ak zanmi w yo ka sipòte elèv yo. Klike ISIT la pou w patisipe.
